Drúídstúkan Fjölnir

Þegar stúkan Fjölnir var stofnuð, þá var aðeins ein stúka fyrir á Íslandi – stúkan Janus og var hún rétt tveggja ára þegar að farið var í stofnun Fjölnis.

Voru það 18 bræður úr stúkunni Janus sem voru stofnendur Fjölnis. Í dag eru meðlimir Fjölnis um 55 og erum við með fundi annan hvern miðvikudag í Þarabakka 3 Mjódd. En síðan hafa stúkurnar Geysir og Gaia verið stofnaðar út frá stúkunni Fjölni.

Stúkan Fjölnir er staðsett í Þarabakka 3 í Mjódd eins og stúkurnar Janus og stúkan Geysir en stúkan Gaia er með stúkuhús og sína starfsemi í Reykjanesbæ.  

Nafnið Fjölnir er vísun í gamla tímaritið Fjölnir og Fjölnismenn sem börðust, með orðinu einu að vopni, fyrir sjálfstæði Íslands á öldum áður.

Nafnið Fjölnir stendur einnig fyrir fjölgun eða þróun þekkingar. Stúkumerki Fjölnis vísar okkur þangað, þar sem byggt er á fortíðinni en horft til framtíðar. Einnig má greina tilvísun til Sögueyjunnar og handritanna.