Drúídstúkan Janus

Fyrsta Drúídstúkan á Íslandi, stúkan Janus, var stofnuð 27. september 1996.

Stofnendur stúkunnar voru: Ari Óskar Jóhannesson, Eggert Kristinsson, Ómar Einarsson, Pétur Einarsson, Davíð W. Jack, Hallur Jónsson, Jón Kr. Sigurðsson, Sigurður Þórðarson, Elías Jóhannesson, Hrafn Björnsson.

Fyrst voru fundirnir haldnir að Hverfisgötu 105 og voru fámennir til að byrja með en fór svo hægt fjölgandi í hópnum.

Haustið 1998 fluttist stúkan að Lynghálsi 10 og hélt fundi sína þar þann veturinn. Haustið 1999 flutti Janus í húsnæði að Álfabakka 14 og var þar til janúarloka 2004. Í febrúar 2004 fluttu Drúídarnir svo loks í eigið húsnæði að Síðumúla 1 og störfuðu þar óslitið fram á sumar 2016. Um haustið flutti Janus ásamt stúkunum Fjölni, Geysi og Stórstúkunni Ísafold, í Þarabakka 3.

Mikil vinna var lögð í að standsetja húsnæðið að Þarabakka 3. Bræður úr öllum stúkum voru duglegir að hjálpast að við að koma húsnæðinu í gott stand. Húsnæðið er nú hið glæsilegasta og þar njóta bræður þess að vera saman.

Mikið og gott starf er í stúkunni Janus sem telur núna um 47 bræður og framtíðin er björt í okkar félagsskap og verður það vonandi um ókomin ár.